Zwischenbericht Aktive 20114

Halbzeit!!!

Wia a im Fußball ham a mia Trachtler jetzt „Halbzeit“ im Trachtenjahr. Zeit zum schaun, wos scho ois war und wos nu kimd.

Als Aufwärmtraining ham wir im Januar zwar nix offizielles vorghabt, jedoch ham wir in der Zeit unser Faschingspreisplattln vorbereitet und a dafür probt.
Am 1. Februar wars dann soweit. Anstoß! De feschestn „Dirndl“ und „Buam“ ausm ganzn Gau san gegeneinander angetreten. Es san wieder überragende Leistungen zoagt woan. Für uns Lauterer war des a gelungener Spielauftakt.
Ruhiges Ballspiel mit wenig Ballwechsel im restlichen Februar und auch Anfang März. Mitte März schließlich kommt, im wahrsten Sinne des Wortes, der Ball so richtig ins Rollen. Unsere Buam trainieren für des Alljährliche Aktivenfußballhallenturnier. Am 30.März hat unser „Jungmannschaft“ dann a den Fulminaten 3. !!! Platz gmacht. Gastgeber warn in dem Jahr Heutau, nächsts Jahr san dann mia dro. Mia gfein uns scho!
Im April war des „Spiel“ ausgeglichen und eher ruhig. Anfang des Monatswarn ma in da Kirch beim Jahrtag der Vereine, Mitte des Monats ham ma wieder unsern Rittwong fürn Georgeritt am Ostermontag in Traunstein hergricht. Und Ende April warn ma nu bei unsere Nachbarn aufm Hochberg bei eanam Festabend. Am letztn Freitag im April war dann nu de alljährliche Frühjahrsversammlung im Wirtshaus Lauter. Für unsere Jungaktiven wars wos ganz wos bsonders, weil se as erste moi de ganze Aktiventracht o´ghabt ham.

Am 3.Mai wars dann wieder soweit, de ganze „Mannschaft“ is nach Siegsdorf „gstürmt“ um bei da Hochzeit von unserm ehemaligen Vorplattler dabei zum sei. Schee wars! An der Trachtenwallfahrt noch Maria Eck am 18.Mai ham de Wadl dann scho a wengal zong, aber an der Maiandacht am Dienstag drauf wars dann scho wieder guad. Vieleicht wars doch grod a „Schwalbe“? Freistoß? Da Schiri pfeift ned, oiso gäds weida... Bei scheenstem Maiwetter ham wir Aktiven dann nu alle Andachtbesucher am Feuerwehrhaus bewirten deafa. Am 29.Mai ham wir dann den Ball direkt zuagspuid griagd. Mit unserm Auftritt beim Oid boarischen Auf´nocht im Bierzeit Lauter ham wir uns guad präsentiert.
Ruhiges trippeln bis 14.juni, wo dann as 5-Vereine Preisplattln in Seebruck stattgfundn hat. Guade Leistungen, aber leider koa Volltreffer. Nächsts Jahr is a as 5-Vereine Preisplattln bei uns in Lauter. Am Fronleichnamsfest in der Surberger Pfarrkirch war jedwege Enttäuschung dann a schowieder verarbeitet.
Es geht in die Verlängerung: am letztn Samstag im Juni ham wir beim Teisendorfer 5-Kampf den 10.Platz gesichert.

Abpfiff!!! de erste Halbzeit is rum.

Mannschaftsbesprechung in der Halbzeitpause. Es wird gsagt, dass in der 2.Spielhälfte mit vollem Einsatz weitergspuid werden muss. Es stehen an, des Fest in Siegsdorf, as Gaufest mid Gaupreisplattln a Woch drauf in Ruhpolding, as Vereinspreisplattln und as Dorffest in Lauter. Weiter gehts mitm Ball vorbei am Aktivenausflug richtung Jugendjubiläum. Links antäuschen, rechts vorbeigehen, Pass zum Erntedankfest! Vorbeitrippeln an der Jahreshauptversammlung mit Neuwahlen Richtung Volkstrauertag und Weihnachtsfeiern. Torschuss!

TM

Juli 2014